Lagagᾱ’oi i Uvea mo Futuna

Tupu’aga mᾱlilie e kauagafulu ki le lagagᾱ’oi i Uvea mo Futuna

Ko motu o Uvea mo Futuna, e lau ko le tēlituale e tautau mama’o mei Falani, lona ma’uli faka’ekonomika mo lona tukusau e kese ai aia i lᾱ motu o falani mama’o,

Ko le kau lagagā’oi e lotou maua ni tokoi mei le CCIMA o Uvea mo Futuna, kose selevisi fo’ou i ana ga’oi o mulimuli ki le tosi lao o le tēlituale.

Mata Utu, chef lieu de Wallis et futuna

 

Ko nei loa tupu’aga mᾱlilie o le lagagā’oi i Uvea mo Futuna :

Ko le kakai o Uvea mo Futuna e ma’ua se poto i le sēkolᾱ fakafalani toe poto i le mᾱsau o tupu ko fakatu’utu’u sēkolᾱ a Falani i lotolotoga o potu fenua e lasi ki motu pilitania. E tali matᾱpule mᾱlie ti toe ma’uli vaevae mo fetokoi’aki. Ko le kaufā mei le kaulelau (40%) lekiaise kaulua fētu’u (20) (fakaauau i le lua afe kaugafulu tupu tolu) (2013), ko le kakai o Uvea mo Futuna koi muli mo popoto. Ko le le’aise ma’ua o ni agaveveli e ma’iloga i ai le tokatokamᾱlie o le kakai o le tēlituale.

Ko le fakatu’utu’u o tukusau e fakalogo ki le fale fono fakatelituale lona tᾱnaki mo lona makeke o mulimuli ki le alatike kaufitu tupu fā (74) o le lao tᾱfito o le lēpupilika, tosi lao numelo kauono tupu tasi vaega kaulelau e valu kauagafulu tupu fā (n°61-814) i le aso kaulua tupu iva (29) o sulio afe kaulelau e iva kauono tupu tasi (1961) ti mo le lao numelo kaulima tupu fitu vaega kaulelau e valu kauagafulu tupu tasi (n°57-811) i le aso kaulua tupu lua (22) o sulio afe kaulelau e iva kaulima tupu fitu (1957).

I lenᾱ fakatu’utu’u, ko le Tēlituale o Uvea mo Futuna e faigamᾱlie i lona vaega tukusau kese o le tagata gā’oi, ko sosiete, ko koloa takitautokatasi, ko koloa fakafᾱmili ti mo le TVA.

Ko le ma’uli tukusau e fakatafito ki le tukusau fakatasi. Koia loa ko Uvea mo Futuna ese kau lᾱua ki le tukusau ki le CSG ti mo le CRDS.

O tupu ko nei faigamᾱlie, ku ma’uke a sosiete mo vaka e au mei tafa o fakanumelo i Uvea mo Futuna.

Ko le pa’aga e faka’aoga i Uvea mo Futuna, ko le falᾱ pasifika, ofaipe Niukaletonia mo Taiti. Ko le lua aia o pa’aga fakapule’aga e faka’aoga i loto o le lēpulika falani.

Ko le numelo e tasi e fakaliliu ai le falā pasifika ki le falā eulopa, koia leia e faigaofie ai lona faka’aoga faifaitalisa i atu fenua o eulopa. Ko le toso o le falā e muli’i e le kautasi o le IEOM.

Ko le afe (1000) e tasi i le falᾱ pasifika, e tatau aia mo le valu vae ki le kautolu tupu valu (8.38 €) falā eulopa ; ko le falā eulopa e 1 e tatau aia mo le kauagafulu tupu iva vae kautolu tupu tolu (119.33) falᾱ pasifika.

I le pipiki leia o le tēlituale ki falani la, e ina ma’ua ai se ma’uli politike anoano mālie o tupu ai le fimālie o le fakasa’ele gā’oi ti toe faigamālie ai i ni tokoi o selevisi fakapule’aga falani.

Ko le kapa Tui Samoa e ina fakafaigaofie ai ki le tēlituale la, lana ma’u koloa ai, i le vave o felogoi o mafai ai le fia au mei tafa o ni sōsiete o gā’oi i otātou la.

Ko selevisi fakapule’aga tāfito (uila mo le vai me’ā) e tausi a ia e le sosiete faka’ekonomika fakatasi i se tosi tālaga na soli. Ko le fakaanoano o le tokoi ki le totogi o le ‘uila e mafai ke kaku ki le lua afe kau lua (2020) kua vae lima (5) le totogi o le ‘uila mo le vai o to’o e le tokoi a vaega e fā (4) kae tasi (1) tātou o tou tatau ai loa mo Falani.

Tasi a potu, ko le sēkolā ti mo le faito’o e sa’ele noa i Uvea mo Futuna ki le kāiga kātoa.

Ko le tu’u’aga fakaseokalafia o motu o Uvea mo Futuna e ma’ua ai e le Tēlituale la, le faigamālie leia ko le aso kātoa e tomu’a ai i Eulopa (tomu’a i Palesi i ola e kauagafulu tupu tasi (11).

I le ofi mai o Fiti, Niukaletonia, Ositalalia mo Niusila, leia e lasi ai le fai tulisi a ni tinolelau afe e ma’uke, e fakalaka ai i le fētu’u, kae tu’u lotoa ai a Uvea mo Futuna. Ko le mala’e vakalele lasi o Hihifo e mafai lana ‘aga o fakatalitali se kau folau e feano’aki sa’ele tu’uma’u.

Na ‘aga le kau taki o le fenua o fakatu’u ki mu’a le faitulisi o tupu ke laga ai le Tēlituale i fētu’u ka’au. Ko le ma’uli faka’ekonomika o le faitulisi e papau ai lona malaga, ti ko lona pale lenā, e le’aise toe fakaapēa ai, kae faigamālie ai loa alā ake vaega, i le lasi o pa’aga ka vilo mai.

Ko matapuna o uila meā (la’a, panō, pekapeka, masini) e lasi ona mālilie kae le’aise feauga lona gā’oi’i.

Na aga le tēlituale o Uvea mo Futuna o fakatu’u se fa’asigā tokoi ki le fakatupu o ni sosiete o le fenua : ko le lao fakatēlituale laga gā’oi ko le CTI. Ko le fa’asigā tokoi leinei e mafai ke kaku ki le kaufā mei le kaulelau (40 %) o le tau falā o le gā’oi, o fakatuakoi ki miliona e fā (4) falā pāsifika.

E toe mafai foki ke aga leinei tokoi o ui a tukusau o le patolō lolotoga fetu’u e lua (2) ; e fakaifo mei le kaulima ki le kaulelau (50 %) o le tukusau o ne’a gā’oi e aumai mei tafa o uiga mo le laga gā’oi, toe iai foki mo le paseni (peseni) ko le kautolu mei le kaulelau (30 %) i le maua na to’o ke fakasoko ai le gā’oi.

Ka fia ilo tukupau ti ano ki le pasina neti o le CCIMA.

Ko le tokoi ki le feleti e mafai ke kaku ki le kaulima mei le kaulelau (50 %) lona soli ki sosiete o Uvea mo Futuna ke fakamaama’a ai a le totogi veli o l’aumai vaka pe vakalele o ne’a gā’oi kesekese mei le tu’u tasi fakaeulopa e aoga ki le fakaliliu o ni koloa fo’ou.

Ko le feave’aki i le mava’a o le motu o Uvea ti mo le motu o Futuna o fa’asigā ne’a gā’oi ki le fa’u ke laga’ai le fenua ti mo ne’a e ulu mei tafa e tu’u tatau mālie oki, ofaipe le ave o koloa e fa’u i nei atu motu ki falani mama’o.

Ko le lao mei le aso kaulua tuputasi (21) o sulio lua afe tupu tolu (2003) o le polokalama gā’oi na fakatu’u ki atu motu mama’o pe ko le lao Girardin na fakatusa ke fanaki ki ai le laga o le ma’uli fakaekonomika o tepaletema mo tēlituale o falani mama’o. Ti ko lona fakasoko i Uvea mo Futuna kua toe tolo’i atu o kaku ki le lua afe kaulua tupu lima (2025).

I le fakatu’utu’u gā’oi lenā, ko lātou e ma’uli tukusau i Falani, e kau lātou ki le fakapa’aga o ne’a gā’oi e ave ki fale fa’u koloa pe ko le aletisana o motu tu’u mamao, e toe kau foki ki ai mo le fakatu’u o ni fale nofo’aga.

E ma’ua faiga mālie loa lātou ki le ifo o le tukusau mei koloa fuli o lana gā’oi.

I le tukusau lenā e mafai ke fakapa’aga ai o kaku ki le kautolu tupu lima vae kauvalu tupu fitu ki le kaulelau (35,87 %) o le pa’aga na fakatu’utu’u ke fai ai ni gā’oi.

Ko le fakasa’ele o le lētelete i Uvea mo Futuna e takatasi aia. E kese ai a mo lā atu lētelete, ko le kau gā’oi pa’aga o tātou ese kau lātou ki le tu’uti ki le ma’uli fakatasi leia e sa’ele i Falani ti mo atu koletivite mo fenua tu’u mamao.

Ko motu o Uvea mo Futuna e ma’ua i ai ona fuga fenua taulekaleka i le faisaga’i, ti koi mauiga lona tu’u fakanatulā, ko lona tuakau koi mālie lona tausi, ona matātai ti mo ona motu fulumalie, lona ma’uli faka’aga’ifenua mo lona ma’uli fakalotu… Ko lona a’ele e mafana tie le’ese tu’u ma’u lona makeke e na’a i le kaulua tupu lima tekele (25°) ki le kautolu tekele (30°) lolotoga o le fetu’u katoa.

Ko le ulufenua mo ona manu kesekese mo la’akau sē manogi e ma’uiga ai, e aumai mei tafa i fa’asigā fuli. Ko le kakai e nofo ma’u e fakatalitali kaiga mālie toe loto alofa ti ko le tēlituale i lana fakatiotio ki le fakasoko o agatu’u e tasitasiga.

Ko le ma’uli pa’aga o le tēlituale

Mei le kaulua ki le kaulima tupu iva (20-59) fetu’u e fuafua ki le kaufā tupu valu vae lua ki le kaulelau (48,2 %) o le kakai, e fakaano ki afe e lima mo tinolelau e lima (5 500) ti ko afe e fā (4 000) e fakatusa ki ai lātou ko le kakai koi mafai ke ga’oi. Ko le fuafua o lātou e ga’oi e malie fa’i : ko le kisi lētelete o Uvea mo Futuna kua tosi fakama’oki eia le lua afe tino ono tupu lima (2065) tagata gā’oi ku ‘oki i le fakama’oki, ko lona tatau ko le tino ono vae ono ki le kaulelau (60,6 %) e gā’oi i le pule’aga, toe teki atu ki ai mo tinolelau e tolu tino valu tupu tasi (381) tagata gā’oi fakapule’aga e tukusau ki kisi o Falani. Ko le ma’uli pa’aga o Uvea mo Futuna e puipui tāfito e le pule’aga.

Produits artisanaux au marché de Wallis

Ko le PIB e fakaano lona tau falā ki le kaulelau kau lima miliona falā eulopa (150 €) i le fetu’u lua afe tupu lima (2005), fakatatau ki le kauagafulu afe kaulelau tasi falā eulopa (10 100 €) i le fetu’u ki le kilisiteano.

Ko le tau falā o le SMIG (totogi taulalo) i le masina e kaku ki le kauiva afe falā pasifika (90 000 f) (kaulelau e fitu kaulima falā eulopa (750).

Ko Uvea mo Futuna e ma’ua faiga mālie i lona fakatu’utu’u o le tukusau, e takatasi a leia e ma’iloga kese e le’aise tu’uti i le totogi le’ai foki i le mālo o sosiete fela’aki ai ki koloa o le loto fale. Ko pa’aga e ulu mai ki le tēlituale e pipiki tāfito ki fakatu’utu’u leia e tanaki ia a tukusau (tukusau lātuani), e ma’ua mei ai a miliale e lua tupu lima falā pasifika (2,5) i le fetu’u fakaano ki (kaulelau e lua tupu valu miliona falā eulopa (208)).

Ko le fakasa’ele o se selevisi fai ga’oi e fakama’ua ai ke totogi sona patate, ko lona tau falā e mulimuli ki lona vaega selevisi ga’oi.

Ko gā’oi tāfito (le gā’oi kele, fagai manu, tō la’akau, fai feua) e fakatasi ko le kauaga fulu tupu iva ki le kaulelau (19 %) o matani gā’oi, ko aletisanā i alātou fa’asigā ne’a e fa’u e kaku ki le kauagafulu tupu lua lona makeke ki le kaulelau (12 %) ; ko le fuafua o le vai mo le uila e selo vae lima ki le kaulelau (0,5 %); ko le fa’u fale e kauagafulu tupu tasi ki le kaulelau (11 %), ko le fai koloa e kautolu tupu tasi ki le kaulelau (31 %), ko lā ake selevisi fakatau koloa ko le kaulua tupu valu ki le kaulelau (28 %).

Territoire d'agriculture : une plantation de légumes

E fuafua ki tinolelau e ono mo le tino lima (650) tagata to’o ga’oi i le tēlituale, ko le lua vae tolu (2/3) i Uvea ti tasi vae tolu (1/3) i Futuna.

Ko le kātoa fuli o pa’aga fakasa’ele o le tēlituale e fakasā mai i fetu’u fuli e le tosi ga’oi e fa’i e le fale pa’aga fakapule’aga ko le IEOM.

Ko vaega e aoga tāfito ki le laga ma’uli

Ko ona ‘uluaki vaega e aoga tāfito ki le lagalaga o Uvea mo Futuna o kaku ki le lua afe kautolu (2030) kua ‘oki i le fakatu’utu’u e le fono fakatēlituale ti e ina ‘aga o tāofi mo tokoi fakamakeke.

O fakafeneki’i loa :

  • Ko le laga’i o vaega gā’oi tāfito
  • Fakafaigaofie o le laga o ni matani (sosiete) gā’oi o le fenua
  • Fakatalitali a ni sosiete fo’ou o tupu tāfito ko le tou piki ki le kapa Tuisa’amoa o uiga mo le ma’uli neti i le tēlituale
  • Laga’i fakamakeke a le gā’oi fai tulisi
  • Fakamalotoloto ake le fa’ufa’u mo le puipui o le tu’akau
  • Ke puipui a le ulufenua o le tēlituale mo faka’iki’iki mai a le tou ma’uli popula ki le totogi o le uila

Sortie sur un magnifique ilot

 

Ko le CCIMA

Equipe de la CCIMA

Ko le CCIMA o Uvea mo Futuna, e fakafofoga ia i loto o le kautaki fakapule’aga ti toe fakafofoga e ia a fa’asiga gā’oi kesekese o le tēlituale.

Na tuku ki ai ke ina aga o puipui mo saofaki mei le ma’uli tukusau ōlatou e to’o patate o fela’ki ai ki le kau takitaki matani gā’oi, ko le faka’ilo’ilo mo le ako’i. E ina fakamaopo ia a tu’ulaga kua soli ki atu tepaletema falani ki kautasi e tolu : ko le (CCI, CMA, CA).

Ko le CCIMA e o’ono ma’u e le pule’aga o tio’i ai a gā’oi’aga e fa’i e nā vāega e tolu la.

Ka e iai sa koutou fakatu’utu’u lagama’uli ki le ma’uli faka’ekonomika o Uvea mo Futuna ? Ko le vesili kio mātou sosiete (pe kautasi) ? Pe aoga atu a se tokoi ki le laga mo ni ga’oi ?
Ko le CCIMA e nofo o fakalogo atu ki le tokoi e aoga atu io mātou pilo o Uvea mo Futuna ti mo le ala leia o This email address is being protected from spambots. You need JavaScript enabled to view it..

Fakatupu mo ni sosiete

Produits locaux

Ko le laga’i o se sosiete i Uvea mo Futuna e ma’ua mua ke fakasā i le nusipepa fakapule’aga ke fakamā’oki i le tosi o sosiete fai koloa o fela’aki ai ki sosiete e ina aga loa o soli sona fakamā’oki, ko le Kbis ; mo le tosi ki le tosi o le patate o fela’aki’i ai ki le totogi o le tukusau i le fale pa’aga fakapule’aga.

Ko le ma’ua tāfito o le CCIMA, ko le tokoi mo le muli’i olātou e fakatupu (pe laga’ia) a ni gā’oi pe to’o ia a ni sosite o fakasa’ele e toe fakatu’u foki e ia a se pilo o uiga mo le fai o pepa o matani gā’oi fuli ke fakafaigaofie ai mo fakatasi ai a ne’a fuli ānā.

Tukusau o le patolō mo tagata gā’oi

Ko tukusau o le patolō mo tagata gā’oi e totogi i le kisi o le lētelete (CPSWF).

I le lua afe kauagafulu tupu iva (2019), ko le vaega o le patolō e fakatusa tāfito ki le leteletē lona tau fala, mei le kauagafulu tupu tolu vae kaufā ki le kaulelau (13,40 %) ; ko le vaega o le tagata gā’oi mei le ono vae kaufitu ki le kaulelau (6,70 %) ; ko le vaega patolō e fakatusa lona tau falā mei le ono ki le kaulelau (6 %).

I le fētu’u luaafe kaulua (2020), ko le tukusau o le patolō e tu’u i le kaulua mei le kaulelau (20 %) (kauagafulu tupu fā mei le kaulelau (14 %) ki le vaega o le lētelete ti ono mei le kaulelau (6 %) ki le kisi o le Sitas), ono mei le kaulelau (6 %) le vaega o le tagata gā’oi ki lona lētelete.